ក្រុម Manchester City បានយកឈ្នះលើក្រុម Real Madrid ដល់ទឹកដីអេស្ប៉ាញ ក្នុងលទ្ធផល ២-១ នាការប្រកួតជើងទី១ ពានរង្វាន់ UEFA Champions League ។
ត្បិតតែទទួលបានជ័យជម្នះសម្រាប់ប្រកួតនៅយប់មិញមែន ប៉ុន្តែលោក Pep អ្នកចាត់ការក្រុម Man City មើលឃើញថាជើងទី២នឹងមិនងាយស្រួលឡើយសម្រាប់ក្រុមរបស់លោក។ Real Madrid បានគ្រប់គ្រងការប្រកួតល្អ ដូច្នេះពួកគេនៅមានឱកាសដល់៩០នាទីទៀត ដើម្បីវាយបកវិញ។ ក្រុមដែលធ្លាប់វាយបកបានល្អនោះ គឺជាក្រុម Real Madrid នេះឯង ព្រោះពួកគេអាចធ្វើបានគ្រប់យ៉ាង។
រំលឹកថា ជ័យជម្នះយប់មិញនេះ គឺជាជ័យជម្នះលើកដំបូងហើយសម្រាប់ក្រុម Man City លើក្រុម Real Madrid ក្នុងប្រកួតផ្លូវការ។ ការប្រកួតជើងទី២ របស់ពួកគេនឹងធ្វើឡើងនៅថ្ងៃទី១៨ខែមីនាឆ្នាំ២០២០ខាងមុខនេះ៕ប្រភព៖ Marca
