ជាប្រកួតលើកទី ៥ ហើយនៅពានរង្វាន់អឺរ៉ុបរវាងក្រុម Manchestser City និង Real Madrid ដោយក្នុងនោះ ៤ លើកកន្លងមកបានត្រឹមចាញ់ និងស្មើ តែម្តងនេះ City អាចយកឈ្នះកែប្រែប្រវត្តិសាស្រ្តបានសម្រេច។
ថ្លែងក្រោយបញ្ចប់ការប្រកួតនៅលទ្ធផល ១-២ អ្នកចាត់ការក្រុមភ្ញៀវលោក Pep Guardiola ក៏បាននិយាយដល់ទម្រង់លេងកាលពីយប់មិញក៏ដូចជារឿងរ៉ាវរកាំរកូសខ្លះនៅខាងក្រៅទីលាន ពាក់ព័ន្ធនឹងការពិន័យរបស់ UEFA។
លោក Pep បញ្ជាក់ថា៖ “ត្បិតយើងមិនអាចគ្រប់គ្រងស្ថានភាពលើអ្វីដែលកើតឡើងក្រៅទីលាន តែយើងធ្វើបានល្អខ្លាំងនៅលើទីលានប្រកួត ស្របពេលដែលរដូវកាលមុនយើងលេចធ្លោខ្លាំង ពោលគឺយើងប្រកួតប្រជែងបានល្អខ្លាំងតែមែនទែន ហើយការប្រកួតនេះគឺវាពិសេស ដោយកីឡាករធ្វើដើម្បីក្លឹបទាំងមូលនិងអ្នកគាំទ្រ”។
លោកសង្កត់ធ្ងន់៖ “ខ្ញុំនិយាយដោយត្រង់ទៅ បើមានបញ្ហាបែបណានោះក្លឹបពិបាកនឹងឈរជើងខ្លាំងណាស់ តែខ្ញុំមានទំនុកចិត្តលើការដោះស្រាយរឿងរ៉ាវនេះ ដោយខ្ញុំជឿលើក្រុមប្រឹក្សាភិបាលជាន់ខ្ពស់របស់យើង ជឿលើមេធាវីខាងផ្នែកច្បាប់ក្នុងការបញ្ចុះបញ្ចូល UEFA ព្រោះយើងបានធ្វើតែរឿងល្អ មិនបានធ្វើខុសអ្វីនោះទេ”៕
ប្រភព៖ AF