Sebastian Vettel ដែលបើកឡាន Ferrari បានយកឈ្នះជើងខ្លាំង Lewis Hamilton ដែលបើកឱ្យ Mercedes ហើយ ក្នុងកម្មវិធី British GP កាលពីម្សិលមិញនេះ។
Hamilton នៅជុំដំបូងបានប៉ះគ្នាជាមួយកីឡាករ Kimi Raikkonen បណ្ដាលឱ្យឡានធ្លាក់ផ្លូវ។ យ៉ាងណាមិញ កីឡាករល្បីឈ្មោះនៅអង់គ្លេសរូបនេះ បានកែប្រែស្ថានការណ៍បានវិញ រហូតប្រដេញជាមួយកីឡាករ Vettel វិញ។ យ៉ាងណាមិញ ការប៉ះគ្នានេះ បានធ្វើឱ្យការប្រជែងរបស់ Hamilton បានត្រឹមលេខ២ប៉ុណ្ណោះ ដោយចាញ់ Vettel ដែលទទួលបានចំណាត់ថ្នាក់លេខ១ ក្នុងកម្មវិធី British GP នេះ។
កីឡាករវ័យ៣៣ឆ្នាំខាងលើបាននិយាយក្រោយបរាជ័យថា៖ “វាជាបច្ចេកទេសគួរឱ្យចាប់អារម្មណ៍មួយរបស់ Vettel ដែលខ្ញុំបានឃើញ។ ប៉ុន្តែយើងនឹងប្រឹងប្រែងធ្វើអ្វីដែលយើងអាចធ្វើបាន ដើម្បីប្រកួតប្រជែងជាមួយគេបន្ដទៀត នៅការប្រកួតក្រោយ។ ខ្ញុំសង្ឃឹមថា វានឹងក្លាយជាការប្រកួតអស្ចារ្យមួយ នៅពេលក្រោយនេះ”៕ប្រភព៖ BBC
