ក្រុម Real Madrid នឹងបើកកីឡដ្ឋានរបស់ខ្លួន ស្វាគមន៍ក្រុមភ្ញៀវ Manchester City ក្នុងការប្រកួតជើងទី១ពានរង្វាន់ UEFA Champions League វគ្គ១៦ក្រុមចុងក្រោយ។
មុនការប្រកួតនេះចាប់ផ្ដើម លោក Zidane អ្នកចាត់ការក្រុម Real Madrid បានបញ្ជាក់ថាការប្រកួតនេះ នឹងស្វិតស្វាញសម្រាប់ក្រុមទាំងពីរ ហើយអ្នកគាំទ្រនឹងសប្បាយចិត្តក្នុងការទស្សនាមិនខាន។ Man City ជាក្រុមខ្លាំងមួយ ដែលគ្រប់គ្នាបានស្គាល់ក្រោមការដឹកនាំរបស់លោក Pep ។ កីឡាករសំខាន់ៗរបស់ពួកគេ ដូចជា Sterling និង Jesus ក៏អាចត្រលប់មកចូលលេងវិញបានដែរ ដូច្នេះវានឹងធ្វើឱ្យក្រុម Man City កាន់តែល្អឡើង១កម្រិតទៀត។
អ្នកចាត់ការដែលនាំក្រុម Real Madrid ឈ្នះពានរង្វាន់ UCL បាន៣ឆ្នាំជាប់គ្នាខាងលើបានបន្ថែមទៀតថា ជំនួបនេះ លោកអាចចាត់ទុកថាជា Clasico មួយដែរ ព្រោះក្រុមទាំងសងខាងសុទ្ធតែល្អដូចគ្នា។ មួយវិញទៀត ពួកគេនឹងប្រឹងប្រែងលេងឱ្យបានខ្លាំងបំផុត ដើម្បីប្រជែងយកជ័យជម្នះ៕ប្រភព៖ Marca