លោក Hansi Flick គ្រូបង្វឹកក្រុម Bayern Munich បានបញ្ជាក់ថាប្រកួតទល់ក្រុម Chelsea នៅយប់នេះ គឺជាប្រកួតសងសឹកមួយសម្រាប់ក្រុមរបស់លោក។
Bayern Munich ធ្លាប់ចុកឈាមម្ដងមកហើយនៅឆ្នាំ ២០១២ ដោយគ្រានោះពួកគេបានចាញ់ក្រុម Chelsea នៅវគ្គផ្ដាច់ព្រ័ត្រពានរង្វាន់ UEFA Champions League នេះ ដោយការទាត់បាល់ប៉េណាល់ទីកាត់សេចក្ដី។ យ៉ាងណាមិញ ៨ឆ្នាំកន្លងផុតទៅ ពេលនេះ ពួកគេបានជួបគ្នាជាថ្មីម្ដងទៀត ក្នុងពានរង្វាន់ UCL នេះ ដើម្បីប្រកួតប្រជែងជាថ្មីរកអ្នកឈ្នះ ចាញ់ទៀត។
លោក Flick គ្រូរបស់ក្រុម Bayern Munich បាននិយាយមុនប្រកួតថា៖ “Lampard ជាអ្នករួមចំណែកយកឈ្នះលើ Bayern Munich កាលឆ្នាំ ២០១២ ហើយពេលនេះ រូបគេបានមកដឹកនាំក្រុម Chelsea ប៉ះជាមួយយើងទៀត។ គ្រប់គ្នាសុទ្ធតែដឹងពីរឿងនោះ ហើយយើងនឹងសងសឹកវិញនៅរដូវកាលនេះ។ យើងចង់ឆ្លងឱ្យផុតវគ្គនេះ យើងមានបំណងទៅឱ្យបានឆ្ងាយបំផុត”៕ប្រភព៖ Dailymail