ក្រុម Napoli នឹងត្រូវបើកកីឡដ្ឋានរបស់ខ្លួន ស្វាគមន៍ក្រុមភ្ញៀវ FC Barcelona នៅម៉ោង៣រំលងអាធ្រាត្រនេះ ក្នុងការប្រកួតវគ្គ១៦ក្រុមចុងក្រោយ ជើងទី១ ពានរង្វាន់ UEFA Champions League ។
មុនការប្រកួតនេះចាប់ផ្ដើម លោក Gennaro Gattuso អ្នកចាត់ការក្រុម Napoli បាននិយាយថាក្រុមរបស់លោកត្រូវតែលេងដោយមិនត្រូវខ្លាចអ្វីនោះទេ។ បើទោះជា Lionel Messi កំពុងលេងល្អយ៉ាងណាក៏ដោយ ក៏ក្រុម Napoli ត្រូវតែបញ្ឈប់គេឱ្យបាន។ លទ្ធផលគ្មាននរណាម្នាក់ដឹងមុនឡើយ រហូតទាល់តែចប់ការប្រកួត។
អ្នកចាត់ការដែលកាលពីនៅលេងជាមួយកីឡាករ ធ្លាប់លេងទល់ Barcelona ៦ដងខាងលើ និយាយបន្ថែមពីសមត្ថភាពរបស់ Messi ថា បច្ចុប្បន្ននេះគ្មាននរណាម្នាក់អាចធ្វើដូចគេបានឡើយ។ Messi មានចំណុចពិសេសដែលកីឡាករដទៃទៀតគ្មាន ពោលគឺចំណុចនោះមានតែក្នុងហ្គេមប៉ុណ្ណោះ ដែលអាចធ្វើបាន៕ប្រភព៖ Dailymail
