បើតាមសារព័ត៌មាន AS បានចុះផ្សាយថាក្លឹប Paris Saint-Germain នឹងត្រូវអវត្តមានកីឡាករសំខាន់ ២ រូបរួមមានខ្សែការពារ Thiago Silva និងខ្សែបម្រើ Ander Herrera សម្រាប់ជំនួបជើងទី ២ ទល់ Borussia Dortmund នាខែមិនាខាងមុខ។
ខ្សែការពារកណ្តាល Thiago Silva ទើបតែរងបញ្ហារបួសនាជំនួបយកឈ្នះ Bordeadux ៤-៣ នៅ Ligue 1 កាលពីថ្ងៃអាទិត្យសប្តាហ៍មុន ហើយរំពឹងនឹងខកខានពីទីលានប្រមាណ ៣ សប្តាហ៍។ ដោយឡែកខ្សែបម្រើ Herrera ក៏រងបញ្ហារបួសនៅប្រកួតប៉ះ Amiens កន្លងទៅដូចគ្នា ខណៈស្ថានភាពរបួសរបស់គេក៏ទាមទារពេលយូរចន្លោះ ៦ ទៅ ៨ សប្តាហ៍។
បែបនេះមានន័យថាអ្នកទាំងពីរនឹងមិនអាចចូលលេងនៅជើងទី ២ ក្នុងដីរបស់ខ្លួនឯង Parc des Princes នាថ្ងៃទី ១១ មិនា ពេលដែល Dortmund មកតតាំងនាមជាភ្ញៀវឡើយ ក្រោយពីបរាជ័យ ២-១ កាលពីជើងទី ១ រួចហើយនោះ។
គួររំឭកថា Tiiago Silva ដែលមានវ័យ ៣៥ ឆ្នាំ បានបង្ហាញខ្លួន ៣០ ប្រកួតនារដូវកាលនេះ ខណៈ Herrera លេងបាន ១៨ ប្រកួត ក្រោមការដឹកនាំរបស់លោក Thomas Tuchel៕
ប្រភព៖ AF
