ខ្សែប្រយុទ្ធ Hakim Ziyech របស់ក្រុម Ajax បានយល់ព្រមផ្ទេរទៅលេងនៅក្លឹប Chelsea ហើយ ក្នុងតម្លៃខ្លួន៣៧លានផោន ដោយការផ្ទេរផ្លូវការនឹងធ្វើឡើងនៅរដូវក្ដៅខាងមុខ។
ក្រុម Ajax បានយល់ព្រមលក់ខ្សែប្រយុទ្ធរបស់ខ្លួននៅខែកុម្ភៈនេះ ដោយមានតម្លៃ៣៧លានផោន ហើយ Hakim នឹងចុះកុងត្រាលេងឱ្យតោខៀវ ដល់៥ឆ្នាំ។ ការផ្ទេរផ្លូវការនឹងធ្វើឡើងនៅរដូវក្ដៅខាងមុខ។ កីឡាករវ័យ២៦ឆ្នាំនេះ ជាអ្នកជួយក្រុម Ajax ឡើងដល់វគ្គពាក់កណ្ដាលផ្ដាច់ព្រ័ត្រពានរង្វាន់ UEFA Champions League កាលពីរដូវកាលមុន។
Lampard ចង់បាន Hakim នេះតាំងពីខែមករា ប៉ុន្តែដោយសារតែការចរចាមិនត្រូវគ្នាទាន់ពេល ទើបតម្រូវឱ្យពន្យារពេលរហូតដល់ខែកុម្ភៈ ទើបត្រូវគ្នាក្នុងតម្លៃ៣៧លានផោន។ អ្នកចាត់ការក្រុមរូបនេះ រំពឹងថាវត្តមានរបស់ខ្សែប្រយុទ្ធខាងលើនឹងជួយក្រុម Chelsea បានច្រើនមិនខានសម្រាប់រដូវកាលខាងមុខ៕ប្រភព៖ Dailymail