Koke បានណែនាំឲ្យ Joao Felix ព្រមខិតខំស្តាប់តាមការណែនាំរបស់មិត្តរួមក្រុមនិងគ្រូបង្វឹក ប្រសិនណាចង់ក្លាយជាកីឡាករកំពូលមួយរូបក្នុងលោក។
យុវជនវ័យ ២០ ឆ្នាំ ដែលបានផ្លាស់ចេញពី Benfica នៅតម្លៃខ្លួន ១២៦ លានអឺរ៉ូ មកចូលរួមនៅ At Madrid ដោយសម្រាប់រដូវកាល ២០១៩/២០ នេះ ហាក់មិនចេញផ្លែផ្កាល្អទាល់តែសោះ ព្រោះរូបគេជួបរបួសញាំញីឥតឈប់ឈរ។
Koke បាននិយាយក្រោយបិទការប្រកួតយកឈ្នះលើ Villarreal ៣-១ ដែលមានគ្រាប់បាល់របស់ Felix មួយគ្រាប់ដែរនោះ ថា៖ “គ្រប់គ្នាអាចមើលឃើញនៅអ្វីដែលរំពឹងទុករបស់ Joao ទន្ទឹមដែលរូបគេនៅក្មេង ហើយទាមទារការពង្រឹងបន្ថែមច្រើនទៀត ណាមួយកីឡាករជាច្រើនបានព្យាយាមសម្របខ្លួនជាមួយនឹងក្លឹប At តែវាមិនជារឿងស្រួលទេ ព្រោះគេក៏មានវ័យក្មេងណាស់ដែរ”។
កីឡាករជើងចាស់រូបនេះបន្ថែម៖ “តែប្រសិន Felix គេព្រមស្តាប់តាមមិត្តរួមក្រុមនិងគ្រូបង្វឹករបស់គេ នោះគេនឹងអាចក្លាយជាកីឡាករកំពូលមួយរូបដែលគ្រប់គ្នាចង់ឃើញ តែណាមួយគេហាក់មិនសំណាងដោយសាររបួសញាំញីផង គ្រាន់ថាខ្ញុំច្បាស់ទៅថ្ងៃអនាគតយើងអាចនឹងឃើញ Felix អាចឈានដល់ចំណុចដែលយើងចង់ឃើញ”៕ ប្រភព៖ AF