• Neymar ​បាន​កាត​ក្រហម ក្នុង​ការ​ប្រកួត​ឱ្យ PSG ​យប់មិញ​

    ​ខ្សែ​ប្រយុទ្ធ Neymar ​ទទួល​បាន​កាត​ក្រហម​បណ្ដេញ​ចេញ​ពី​ទីលាន ​ក្នុង​ការ​ប្រកួត​ឱ្យ PSG ​ទល់​ក្រុមBordeaux ​កាល​ពី​យប់មិញ​នេះ​ក្នុង​លីគ​កំពូល​បារាំង។

    ​PSG ​បន្ដ​នាំ​មុខ​កំពូល​តារាង ​ដល់​ទៅ​១៣​ពិន្ទុ​ឯ​ណោះ ​ក្រោយ​ពី​ពួកគេ​បាន​យក​ឈ្នះ​លើ​ក្រុម Bordeaux ក្នុង​លទ្ធផល ៤-៣ ​កាល​ពី​យប់មិញ​នេះ​។ ប៉ុន្តែ​អ្វី​ដែល​មិន​ល្អ​សម្រាប់​ក្រុម​នេះ គឺ​ខ្សែ​ប្រយុទ្ធ​លេខ​១​របស់​ខ្លួន Neymar ​ទទួល​បាន​កាត​ក្រហម​បណ្ដេញ​ចេញ​ពី​ទីលាន។ ​កាត​ក្រហម ​ដែល​ខ្សែ​ប្រយុទ្ធ​ប្រេស៊ីល ទទួល​បាន​នោះ គឺ​កើត​ឡើង​នៅ​នាទី​៩០+២ ​ទៅ​ហើយ។

    មិន​ត្រឹម​តែ​បាត់​បង់​ខ្សែ​ប្រយុទ្ធ​ប៉ុណ្ណោះ​ទេ ​ក្រុម PSG ​ថែម​ទាំង​បាត់​បង់​ខ្សែ​ការពារ Silva ​ដែល​ជា​ប្រធាន​ក្រុម​ថែម​ទៀត ​ដោយសារ​តែ​រួប​គេ​មាន​បញ្ហា​របួស។ ​គេ​មិន​ទាន់​ច្បាស់​ថា​របួស​របស់​ប្រធាន​ក្រុម​រូប​នេះ ​នឹង​ត្រូវ​សម្រាក​ព្យាបាល​ប៉ុន្មាន​សប្ដាហ៍​នៅ​ឡើយ​ទេ។ ស្រប​ពេល PSG ​កំពុង​រៀប​ចំ​ក្រុម​ឱ្យ​បាន​ល្អ​បំផុត ដើម្បី​ត្រៀម​ទទួល Dortmund ​វិញ ​សម្រាប់​ជើង​ទី​២ ពាន​រង្វាន់ UEFA Champions League ​៕ប្រភព៖ Dailymail


    ភ្ជាប់ទំនាក់ទំនងជាមួយ CTS SPORT