ខ្សែប្រយុទ្ធ Cristiano Ronaldo រកបានគ្រាប់បាល់១គ្រាប់ក្នុងការប្រកួតដែលក្រុម Juventus យកឈ្នះលើក្រុម SPAL ក្នុងលទ្ធផល ២-១។វ័យ៣៥ឆ្នាំទៅហើយ ប៉ុន្តែ Ronaldo នៅតែធ្វើបានល្អដដែល ដោយលេង១១ប្រកួតកន្លងមក រកបានគ្រាប់បាល់ទាំង១១ប្រកួតតែម្ដង។ ខណៈដែលនៅយប់មិញនេះ គឺជាប្រកួតទី១ពាន់របស់ខ្លួនហើយក្នុងអាជីពបាល់ទាត់ ហើយក៏រកបាន១គ្រាប់ជួយក្រុម Juventus ឱ្យទទួលបានជ័យជម្នះផងដែរ។
ការរកបានគ្រាប់បាល់១១ប្រកួតជាប់គ្នានេះ ក៏បានធ្វើឱ្យ Ronaldo តាមស្មើកំណត់ត្រារបស់កីឡាករ Batitusta របស់ក្រុម Fiorentina ដែលធ្លាប់ធ្វើបាននៅឆ្នាំ១៩៩៤ផងដែរ។ ដោយបច្ចុប្បន្ននេះនៅលីគអ៊ីតាលី មានតែកីឡាករ៣នាក់ប៉ុណ្ណោះរកបានគ្រាប់បាល់១១ប្រកួតជាប់គ្នា គឺ Batitusta របស់ក្រុម Fiorentina កីឡាករ Quagliarella របស់ Sampdoria និង Ronaldo ៕