ក្រុម Real Madrid បានបរាជ័យក្រោមថ្វីជើងក្រុម Levante ក្នុងលទ្ធផល ១-០ ក្នុងការប្រកួត La Liga យប់មិញ ធ្វើឱ្យបាត់តំណែងកំពូលតារាងទៅហើយ។ក្នុងការប្រកួត ក្រុម Rael Madrid បានព្យាយាមវាយសម្រុកយ៉ាងខ្លាំង ប៉ុន្តែមិនអាចមានគ្រាប់បាល់កើតឡើងឡើយ។ ផ្ទុយទៅវិញ បែរជាត្រូវក្រុម Levante រកបាន១គ្រាប់ទៅវិញ ហើយក៏ជាគ្រាប់ជ័យជម្នះសម្រាប់ពួកគេផងដែរ។ ការបរាជ័យនេះធ្វើឱ្យក្រុមរបស់លោក Zidane ធ្លាក់ពីកំពូលតារាងទៅហើយ ស្របពេលក្រុម Barcelona ជាអ្នកឡើងជំនួសវិញ។
ជាមួយការចាញ់នេះហើយ ក្រុម Real Madrid អាចនឹងបាត់បង់កីឡាករម្នាក់ទៀត ដោយ Eden Hazard បានរងរបួស។ គេមិនទាន់ច្បាស់ទេថារបួសដែលកើតឡើងនោះ ធ្ងន់ឬស្រាល និងអាចលេងបានទល់ក្រុម Manchester City ឬអត់។ ខណៈដែលការប្រកួតនឹងធ្វើឡើងនៅថ្ងៃទី២៧ខាងមុខនេះហើយ៕
ប្រភព៖ DailyMail