ក្រុម Chelsea នឹងត្រូវតតាំងជាមួយក្រុម Spurs ក្នុងការប្រកួតពានរង្វាន់ English Premier League សប្ដាហ៍ទី ២៧។
ក្នុងការប្រកួតនេះដែរ គេបានដឹងច្បាស់ហើយថាក្រុម Spurs នឹងអវត្តមានកីឡាករសំខាន់នៅតំបន់ប្រយុទ្ធដល់ទៅ២នាក់ឯណោះគឺ Harry Kane និង Son ។ កត្តានេះ នឹងធ្វើឱ្យក្រុមមាន់ខ្នាយមាស ពិបាកក្នុងការប្រយុទ្ធបន្តិចហើយ។ យ៉ាងណាមិញ បើងាកមកមើលក្រុម Chelsea វិញក៏មានកីឡាករសំខាន់របួសដូចគ្នា។ Kante នឹងអវត្តមានសម្រាប់ប្រកួតនេះ ដោយសារតែរងរបួសកាលពីចាញ់ក្រុម Man Utd កន្លងទៅ។
លោក Lampard ដែលជាអ្នកចាត់ការក្រុមបាននិយាយពីចំពោះរបួសរបស់ Kante ថា៖ “គាត់មានរបួសសាច់ដុំ។ វាស្រដៀងទៅនឹងរបួសដែលគាត់ទើបកើត កាលពីប៉ះក្រុម Arsenal ដែរ”។ ខ្សែបម្រើបារាំងខាងលើ នារដូវកាលនេះមានបញ្ហារបួសច្រើន ដោយរូបគេលេងបានតែ១៦ប្រកួតប៉ុណ្ណោះ ក្នុង២៦ប្រកួតកន្លងមក៕ប្រភព៖ BBC
