Lionel Messi បាននិយាយថាក្រុម FC Barcelona នៅតែពេលនេះមានបញ្ហាច្រើនត្រូវដោះស្រាយ ដូច្នេះក្រុមនេះពិបាកក្នុងការតម្រង់ទិសដៅឱ្យត្រូវ ដើម្បីឈ្នះពាន UEFA Champions League ណាស់។ក្រុមអ្នកមានបុណ្យខាងលើ២រដូវកាលកន្លងមក លេងនៅ Champions League សុទ្ធតែធ្លាក់ ក្នុងការប្រកួតដែលមិនសមនឹងចាញ់នោះទេ។ ជាក់ស្ដែងរដូវកាលមុន ពួកគេបានយកឈ្នះលើក្រុម Liverpool បានដល់ទៅ៣គ្រាប់ទៅហើយ ប៉ុន្តែជើងទី២បែរជារបូតគ្រាប់បាល់ដល់ទៅ៤គ្រាប់វិញ ធ្វើឱ្យក្រុមហង្សក្រហមមានឱកាសឈ្នះពានរង្វាន់លំដាប់កំពូលនៅអឺរ៉ុបបាន។
ចំពោះបញ្ហានេះ ត្រូវបាន Messi លើកឡើងថាក្រុមរបស់ខ្លួនតែងតែបង្កើតកំហុសមិនគួរឱ្យឡើងជានិច្ច។ ដូច្នេះហើយទើបប៉ុន្មានរដូវកាលមកនេះ មិនអាចឈ្នះពានរង្វាន់ UEFA Champions League បាន។ យ៉ាងណាមិញ បច្ចុប្បន្ននេះ មិនទាន់អាចដោះស្រាយវាឱ្យគ្រប់ជ្រុងជ្រោយនោះទេ ហើយពិតជាពិបាកណាស់ក្នុងការឱ្យក្រុមនេះឈ្នះ UCL បាន។ យ៉ាងណាក៏ដោយ រូបគេក៏បញ្ជាក់ច្បាស់ពីអនាគតថា នឹងមិនទៅណាចោលក្រុម Barcelona ឡើយ៕
ប្រភព៖ Theguardian