ជាញឹកញយ Lionel Messi ត្រូវបានអ្នកគាំទ្រមួយចំនួនទទូចចង់ឃើញឲ្យរូបលោកអាចមានឱកាសបង្ហាញខ្លួនលើទីលាន នាមជាក្រុមតែមួយជាមួយនឹង Cristiano Ronaldo នៅពេលវេលាខាងមុខណាមួយ ពោលជំនួសពីការប្រកួតប្រជែងមកក្លាយជាក្រុមតែមួយ។
ត្បិតរឿងមួយនោះមិនទាន់ច្បាស់ថាអាចកើតឡើងឬអត់ក្តី ប៉ុន្តែខ្សែប្រយុទ្ធវ័យ ៣២ ឆ្នាំក៏បានឆ្លើយតបទៅនឹងសំណួរដែលអ្នកសារព័ត៌មានសួរថាព្រមបញ្ជូនបាល់ឲ្យ Cristiano Ronaldo ឬអត់បើលេងលើទីលាននៃក្រុមតែមួយ។
តារាឆ្នើមប្រចាំក្លឹប Barcelona បានប្រាប់សារព័ត៌មាន Mundo Deportivo ថា៖ “នៅទីបញ្ចប់ ខ្ញុំនៅតែឆ្លើយថាខ្ញុំនឹងធ្វើវា [នឹងបញ្ជូនបាល់ឲ្យទៅ Cristiano Ronaldo]”។
រំឭកថា Ronaldo ទើបតែឈានចូលវ័យ ៣៥ ឆ្នាំនាដើមខែកុម្ភៈ ឆ្នាំ ២០២០ នេះ ប៉ុន្តែការរកគ្រាប់បាល់នៅបន្តកើតមានឡើងឥតឈប់ឈរដដែល ដោយ ២៩ ប្រកួតរកបាន ២៤ គ្រាប់ហើយឲ្យ Juventus៕
ប្រភព៖ SportBible