• Rivaldo៖ ​ខ្ញុំ​មិន​យល់ ហេតុ​អ្វី Barca ​ទិញ​យក ​Braithwaite ​

    ​ក្រុម FC Barcelona ​បាន​សម្រេច​ទិញ​យក​ខ្សែ​ប្រយុទ្ធ Braithwaite ​ពី​ក្រុម Leganes ​ហើយ​ក្នុង​តម្លៃ​ខ្លួន​១៨​លាន​អឺរ៉ូ ​កុងត្រា​រហូត​ដល់​ឆ្នាំ​២០២៤។ការ​ទិញ​ខ្សែ​ប្រយុទ្ធ​មិន​សូវ​ល្បី​ឈ្មោះ​ខាង​លើ​នេះ ត្រូវ​បាន​លោក Rivaldo ​អតីត​កីឡាករ​ក្រុម​អ្នក​មាន​បុណ្យ​មិន​យល់​នោះ​ទេ ត្បិត​អី​ទីផ្សារ​បាន​បិទ​ហើយ ​និង​ក្លឹប​ក៏​មាន​យុវជន​ល្អ​ៗ​ច្រើន​ថែម​ទៀត។ ​លោក Rivaldo ​បាន​បញ្ជាក់​ក្លឹប​គួរ​តែ​ផ្ដោត​លើ​យុវជន​របស់​ខ្លួន​វិញ ​ដែល​មាន​សមត្ថភាព​មិន​ចាញ់​ខ្សែ​ប្រយុទ្ធ Braithwaite ​នោះ​ទេ។

    ”ជា​ការ​ពិត ​ខ្ញុំ​មិន​យល់​ថា​ហេតុ​អ្វី​ក្លឹប​ទិញ​គាត់​នោះ​ទេ។ ​មាន​ហេតុផល​ជា​ច្រើន​ដែល​ក្លឹប​មិន​គួរ​នាំ​យក​ខ្សែ​ប្រយុទ្ធ​រូប​នេះ​។ Barcelona ​គួរ​តែ​យក​ក្មេង​ៗ​ពី​ថ្នាល​មក​វិញ ​ក៏​ជា​ជម្រើស​មួយ​ដែល​ល្អ​ជាង​ការ​ទិញ​ខ្សែ​ប្រយុទ្ធ​ថ្មី​ចូល​នេះ​ដែរ។ ខ្ញុំ​គិត​ថា​បើ​យក​យុវជន​មក​លេង ​នោះ​វា​នឹង​ធ្វើ​ឱ្យ​ពួកគេ​កាន់​តែ​មាន​ទំនុក​ចិត្ត ​និង​អនាគត​ល្អ​ថែម​ទៀត”។ សម្ដី​លោក Rivaldo ​៕

    ប្រភព៖ Marca

    ភ្ជាប់ទំនាក់ទំនងជាមួយ CTS SPORT