ក្រុមបិសាចក្រហម Manchester United លេងបានត្រឹមស្មើក្រុម Club Brugge ១-១ ប៉ុណ្ណោះ ក្នុងការប្រកួតជើងទី១ ពានរង្វាន់ UEFA Europa League កាលពីយប់មិញ។កីឡាករ Dennis បានរកគ្រាប់បាល់ឱ្យក្រុមម្ចាស់ផ្ទះ Club Brugge បានមុន ក្រោយពីអ្នកចាំទី Romero បានឡើងមកលើជ្រុលនៅនាទី១៥។ តែនៅនាទី៣៦ ខ្សែប្រយុទ្ធ Martial ក៏បានរកគ្រាប់បាល់តាមស្មើបាន ធ្វើឱ្យការប្រកួតនេះបញ្ចប់ទៅ ត្រឹមលទ្ធផល ១-១។
ចប់ការប្រកួត លោក Ole អ្នកចាត់ការក្រុម Man Utd បានបង្ហាញចំណាប់អារម្មណ៍ថា៖ “វាជាការប្រកួតមួយពិបាក នៅពេលយើងលេងទល់ក្រុមដែលបានរៀបចំយ៉ាងល្អ ក្នុងស្ថានភាពលំបាក។ ខ្ញុំគិតថាការប្រកួតនេះ ធ្វើឱ្យអ្នកគាំទ្រមិនសប្បាយចិត្តនោះទេ។ ទីលាន និងបាល់សម្រាប់ការប្រកួតនេះមិនល្អនោះទេ។ បាល់សម្រាប់ការប្រកួតនេះភ្លឺខ្លាំងពេក ពិបាកសម្រាប់កីឡាករលេង”។
យ៉ាងណាមិញ លោក Ole ក៏បន្ថែមទៀតថា ក្រុមរបស់លោកពិបាក ហើយក្រុម Club Brugge ក៏ពិបាកមើលដូចគ្នាសម្រាប់បាល់នេះ។ មួយវិញទៀត ការប្រកួតមានខ្យល់ខ្លាំងនិងមានភ្លៀងទៀត ទើបធ្វើឱ្យស្ថានភាពប្រកួតមិនល្អទាល់តែសោះ៕
ប្រភព៖ DailyMail