ក្លឹប FC Barcelona បានជោគជ័យក្នុងការនាំយកកីឡាករលេងនៅតំបន់ប្រយុទ្ធថ្មីមួយរូបគឺ Martin Braithwaite ពីក្លឹប Leganes ក្នុងតម្លៃខ្លួន ១៨ លានអឺរ៉ូ។
LaLiga បានផ្តល់សិទ្ធពិសេសសម្រាប់ Barcelona លើការនាំយកកីឡាករថ្មីចូលក្លឹប មុនទីផ្សារដោះដូរបើករដូវកាល បន្ទាប់ពី Ousmane Dembele រងរបួសធ្ងន់ត្រូវសម្រាកព្យាបាលដល់ទៅ ៦ ខែ។
លក្ខខណ្ឌពិសេសនេះគឺកំណត់បានថាក្លឹបនៅ LaLiga អាចមានសិទ្ធចុះហត្ថលេខាយកកីឡាករថ្មីភ្លាមៗ ប្រសិនណាកីឡាកររបស់ខ្លួនណាម្នាក់រងបញ្ហារបួសធ្ងន់ធ្ងរលើសពីរយៈពេល ៥ ខែ។
គួរបញ្ជាក់ថាកិច្ចព្រមព្រៀងរបស់ Barcelona ជាមួយនឹង Braithwaite គឺមានរយៈពេលដល់ខែមិថុនា ឆ្នាំ ២០២៤ ហើយមានតម្លៃផ្តាច់កុងត្រាថ្លៃ ៣០០ លានអឺរ៉ូ៕ ប្រភព៖ BBC