ក្រុមកាំភ្លើងធំ Arsenal នឹងត្រូវប៉ះក្រុម Olympiakos នៅក្នុងការប្រកួតពានរង្វាន់ Europa League នៅយប់ម៉ោង៣រំលងអាធ្រាត្រនេះ។
សម្រាប់ការប្រកួតខាងលើនេះដែរ ក្រុមរបស់លោក Arteta នឹងមិនមានវត្តមានរបស់ Ozil ឡើយ ដោយសារតែរូបគេមានភារកិច្ចផ្ទាល់ខ្លួនមិនអាចចូលជួយក្រុមបាន។ ភារកិច្ចផ្ទាល់ខ្លួននោះ ត្រូវបានគេដឹងថាប្រពន្ធរបស់ Ozil ត្រៀមនឹងឆ្លងទន្លេកូនដំបូង ដូច្នេះតម្រូវឱ្យគេនៅក្បែរផ្ដល់កម្លាំងចិត្ត។ នេះជាការប្រកួតដំបូងរបស់លោក Arteta ក្នុងពានរង្វាន់ទ្វីបអឺរ៉ុបហើយ ចាប់តាំងពីលោកចូលកាន់តំណែងមក។ គេរំពឹងលទ្ធផលនឹងទទួលបានល្អ ត្បិតអីក្រុមនេះបានពង្រឹងសមត្ថភាពច្រើនប៉ុន្មានប្រកួតកន្លងមក។
រំលឹកថាក្រុម Arsenal បច្ចុប្បន្ននេះស្ថិតនៅលេខ១០ក្នុងតារាង Premier League ដោយចាញ់ក្រុមចំណាត់ថ្នាក់លេខ៤ តែ៧ពិន្ទុប៉ុណ្ណោះ ឆ្លងកាត់ការប្រកួត២៦ប្រកួតកន្លងមកនេះ៕ប្រភព៖ Bbc
