ក្រុម Manchester City បានយកឈ្នះលើក្រុម West Ham ក្នុងលទ្ធផល ២-០ ក្នុងការប្រកួតពានរង្វាន់លីគកំពូលអង់គ្លេសកាលពីយប់មិញនេះ។
ក្រោយពីចប់ការប្រកួតខាងលើទៅ លោក Pep Guardiola បាននិយាយពីអនាគតរបស់ខ្លួននៅក្លឹប Man City ថា៖ “ខ្ញុំមានទំនុកចិត្តថាយើងនឹងលេងនៅពានអឺរ៉ុបបាននៅរដូវកាលក្រោយ។ ខ្ញុំដឹងច្បាស់ថាយើងអាចការពារតំណែងយើងបាន។ ប្រសិនបើក្លឹបមិនបណ្ដេញខ្ញុំទេ ខ្ញុំនឹងបន្ដនៅទីនេះ ដើម្បីដឹកនាំក្រុមបន្ដទៀត។ ខ្ញុំចង់ដឹកនាំក្រុម Man City ឱ្យបានយូរជាងកុងត្រារបស់ខ្ញុំទៅទៀត។ ខ្ញុំចង់ដឹកនាំក្រុមនេះឱ្យបានរីកចម្រើនទៅមុខទៀត ដូច្នេះហេតុអ្វីខ្ញុំត្រូវចាកចេញ?”។
រំលឹកថា Man City ដែលត្រូវ UEFA ពិន័យមិនឱ្យលេងពានរង្វាន់ UEFA Champions League ២រដូវកាលនោះ ត្រូវបានគេគិតថាអាចនឹងមានកីឡាករចាកចេញពីក្រុមច្រើន ព្រោះតែរឿងពិន័យនេះ។ យ៉ាងណាមិញ ក្រុមមេឃខៀវ ក៏នៅអាចប្ដឹងតវ៉ាចំពោះការពិន័យនេះវិញផងដែរ។ ការសម្រេចជាផ្លូវការម្ដងទៀតនឹងធ្វើឡើងនៅរដូវក្ដៅខាងមុខ៕ប្រភព៖ Dailymail
