ក្រុម Spurs របស់លោក Jose Mourinho បានបរាជ័យក្រោមថ្វីជើងក្រុម RB Leipzig កាលពីយប់មិញនេះ ក្នុងលទ្ធផល ១-០ វគ្គ១៦ក្រុមចុងក្រោយ ពានរង្វាន់ UEFA Champions League ។
ជាមួយការប្រកួតនេះដែរ ក្រុម Spurs លេងដោយមិនមានខ្សែប្រយុទ្ធសំខាន់ Son និង Harry Kane ឡើយ ដោយសារតែពួកគេមានបញ្ហារបួស។ មុនការប្រកួត លោក Jose បានដឹងស្រាប់ហើយថាប្រកួតនេះក្រុមរបស់លោកនឹងយ៉ាប់ខ្លាំង ព្រោះលេងគ្មានខ្សែប្រយុទ្ធ។ ជាក់ស្ដែង ពិតជាដូចអ្វីដែលលោកមើលឃើញមែន។
ក្រុម Spurs មិនអាចទម្លាយសំណាញ់ទីរបស់ Leipzig បានឡើយ ផ្ទុយទៅវិញត្រូវបានក្រុមអាល្លឺម៉ង់យកឈ្នះក្នុងលទ្ធផល ១-០ ថែមទៀត។ លោក Jose បាននិយាយក្រោយចប់ការប្រកួតនេះថា ក្រុម Spurs លេងនៅយប់មិញនេះ ដូចចូលប្រយុទ្ធមានកាំភ្លើង ប៉ុន្តែគ្មានគ្រាប់ដើម្បីបាញ់ចេញអីចឹង៕ប្រភព៖ Dailymail
