Erling Haaland យុវជនត្រឹមអាយុ ១៩ ឆ្នាំ ដែលកើតនៅឆ្នាំ ២០០០ ពេលនេះកំពុងទទួលបានភាពលេចធ្លោខ្លាំងទូទាំងតំបន់អឺរ៉ុប។ កាលពីយប់មិញរូបគេរកបាន ២ គ្រាប់នៅជំនួបទល់ក្លឹប PSG នៅ UEFA Champions League ថែមទៀតផង។
បើរាប់គ្រាប់បាល់ក្លឹបអាជីពសរុបគ្រប់ការប្រកួតទាំងក្នុងនិងក្រៅក្របខ័ណ្ឌ គឺ Haaland រកបាន ៣៩ គ្រាប់សរុបហើយ ដោយក្នុងនោះមុនចេញពី Salzburg នាចុងខែធ្នូ មាន ២៨ គ្រាប់ក្នុងដៃ ដោយរួមបញ្ចូលទាំង ៨ គ្រាប់នៅ UCL, ១៦ គ្រាប់នៅ Austrian Football Bundesliga និង ៤ គ្រាប់នៅ Austrian Cup។
ក្រោយផ្លាស់មកចូលរួមនៅ Dortmund យុវជនសញ្ជាតិន័រវែសរូបនេះ បានក្លាយជាកីឡាករដំបូងគេបង្អស់ដែលអាចរកគ្រាប់បាល់បញ្ចូលទីឲ្យ Dortmund ទាំងការប្រកួតនៅ Bundesliga, DFB Pokal និង Champions League ពោលគឺមាន ៨ គ្រាប់នៅលីគអាល្លឺម៉ង់ ខណៈ ២ គ្រាប់នៅ UCL និង ១ គ្រាប់នៅ DFB Pokal បង្ហាញខ្លួនដំបូង៕ ប្រភព៖ AF