លោក Klopp បានបញ្ជាក់ថាការប្ដូរ Sadio Mane ចេញនៅតង់ទី២ ក៏ព្រោះតែខ្លាច ខ្សែប្រយុទ្ធរូបនេះទទួលបានកាតក្រហម ព្រោះកីឡាករក្រុម Atletico Madrid ព្យាយាមតាមគេខ្លាំងពេក។
ក្រុម Liverpool បានចាញ់ក្រុម AT Madrid ក្នុងលទ្ធផល ១-០ ក្នុងជើងទី១ ពានរង្វាន់ UEFA Champions League វគ្គ១៦ក្រុមចុងក្រោយ។ គេសង្កេតឃើញក្នុងការប្រកួតនេះ ក្រុមរបស់លោក Simeone បានព្យាយាមបិទ Mane ខ្លាំង និងមានការប៉ះទង្គិចច្រើន។ កត្តាបានកាតលឿង១នៅតង់ទី១ និងមានការតាមបិទច្រើននេះហើយ ទើបធ្វើឱ្យលោក Klopp សម្រេចប្ដូរខ្សែប្រយុទ្ធរូបនេះចេញនៅតង់ទី២។
លោក Klopp បាននិយាយថា៖ “Mane បានកាតលឿង១ហើយ ខណៈដែលស្ថានការណ៍នេះ ខ្ញុំមើលឃើញថាប្រសិនបើទុកគេលេងតង់ទី២ទៀត នឹងប្រឈមនឹងកាតក្រហមមិនខាន។ ក្រុម AT Madrid បានព្យាយាមបិទជាច្រើន និងធ្វើយ៉ាងណាឱ្យគេបានកាតលឿងមួយទៀត ដើម្បីទទួលបានកាតក្រហម”៕ប្រភព៖ Dailymail
