ពានរង្វាន់ដែលទើបតែប្រកាសថ្មីកាលពីប៉ុន្មានថ្ងៃមុន ទីបំផុតនៅប្រកួតវគ្គ ១៦ ក្រុមកាលពីយប់មិញបានសម្រេចអនុវត្តឲ្យប្រើប្រាស់ហើយ។ ក្នុងនោះបានធ្លាក់ដល់ដៃយុវជន Erling Haaland សម្រាប់ការប្រកួតរវាងក្លឹប Dortmund-PSG។
Haaland រកបានគ្រាប់ ២ ម្នាក់ឯងជួយឲ្យ Dortmund មានសង្ឃឹមខ្ពស់ក្នុងការឆ្ពោះទៅកាន់វគ្គបន្ទាប់ ដែលចំណេញគ្រាប់បាល់ ១ គ្រាប់ទៅលើក្រុមភ្ញៀវ PSG។ ទម្រង់លេងរបស់ប្រយុទ្ធជួរមុខទាំងបីពេលនេះហាក់នឹងនល្អសម្រាប់ក្លឹបអាល្លឺម៉ង់ ខណៈនៅតំបន់បម្រើក៏ទើបតែទទួលបានចំណូលថ្មី Can ចេញពី Juventus។
គួររំឭកថា Haaland រកបាន ១០ គ្រាប់ហើយនៅ UCL រដូវកាលនេះ ដោយប្រកួតត្រឹមតែ ៧ លើកតែប៉ុណ្ណោះ ហើយក្នុងនោះមានជាប់ជម្រើសដំបូង ៥ លើក ពោលនេះជាស្ថិតិដែលមិនមានយុវជនណាមួយធ្លាប់ធ្វើបានពីមុនឡើយ។
ដោយឡែកនៅការប្រកួតរវាង At Madrid និង Liverpool សម្រាប់ពាន MOTM បានទៅលើខ្សែការពារម្ចាស់ផ្ទះ Renan Lodi ដែលបានរារាំងជាច្រើនលើកច្រើនសារពីការវាយសម្រុករបស់ Liverpool៕