យុវជន Erling Haaland ពិតជាមិនធ្វើឲ្យឲ្យក្លឹប Borussia Dormtund ខកចិត្តនោះទេ បន្ទាប់ពីនាំយករូបគេចេញពីក្លឹប RB Salzburg ដោយកន្លងទៅកាលពីយប់មិញពេលប៉ះ PSG យុវជនសញ្ជាតិន័រវែសបំបែកបាន ២ គ្រាប់ទៀតហើយ។
Dormtund បានយកឈ្នះទៅលើក្លឹបប៉ារីសនាលទ្ធផល ២-១ ដែលជាការរកគ្រាប់បាល់បានដោយកីឡាករ Erling Haaland នៅចន្លោះនាទី ៦៩ និង ៧៧ ស្របពេលក្រុមភ្ញៀវធ្វើបានមួយគ្រាប់ដោយ Neymar នៅនាទី ៧៥។
ទស្សនាវីដេអូខាងក្រោម៖
https://www.youtube.com/watch?v=cel0qom1ZVs
Haaland ដែលលេងនៅប្រយុទ្ធកណ្តាលហាក់តង់សង់គ្នាបានល្អជាមួយស្លាបសងខាង ជាពិសេសគឺកីឡាករពាក់អាវលេខ ៧ Jadon Sancho ដែលញាំងឲ្យការប្រកួតមើលទៅហាក់មានភាពរលូនខ្លាំងសម្រាប់ម្ចាស់ផ្ទះ។
យ៉ាងណាមិញសម្រាប់ក្រុមភ្ញៀវក៏បានដាក់សមាសភាពពេញជើងមកដែរ មានតាំងពី Neymar Mbappe និង Di Maria តែគួរឲ្យសោកស្តាយលទ្ធផលនៅតែមិនសមប្រកបដូចអ្វីដែលខ្លួនចង់បានដដែល៕