យោងតាមអ្នកនាំពាក្យរបស់ក្លឹប Juventus លោក Romeo Argresti បានឲ្យដឹងថាកីឡាករជើងចាស់ Giorgio Chiellini បានព្រមព្រៀងក្នុងការបន្តកុងត្រាថ្មីជាមួយនឹងក្លឹប Juventus ដល់ឆ្នាំ ២០២១ ហើយ។
ពោលជាកុងត្រាបន្ថែមលើកុងត្រាដែលត្រៀមនឹងបញ្ចប់រយៈពេល ១ ឆ្នាំបន្ថែមទៀត។ កន្លងទៅ Chiellini នៅតែបង្ហាញទម្រង់លេងបានល្អដដែល ជាពិសេសនៅជ័យជម្នះលើ Brescia ២-០ ត្បិតបើគ្មានកីឡាករសំខាន់ Cristiano Ronaldo ក៏ដោយ។
រំឭកថាសេះបង្កង់ហាក់មានខ្ញីចាស់នៅក្លឹបជាច្រើន ដោយរួមមានតាំងពី Cristiano Ronaldo, Giorgio Chiellini, Mario Mandzukic, Gianluigi Buffon, Gonzalo Higuian សុទ្ធតែមានវ័យក្រាស់ ៣០ ណាស់ទៅហើយ តែបានបន្តលេងទល់សព្វថ្ងៃដដែល៕ ប្រភព៖ AF
