នាវេលាម៉ោង ០៣:០០ នាទីរំលងអាធ្រាត្រឈានចូលថ្ងៃទី ១៩ កុម្ភៈ ឆ្នាំ ២០២០ ក្លឹបយក្សបារាំង Paris Saint-Germain នឹងត្រូវចូលម្ចាស់ដីក្លឹប Borussia Dortmund នៅឯកីឡដ្ឋាន Westfalenstadion ក្នុងទឹកដីអាល្លឺម៉ង់។
ជាការប្រកួតដ៏សំខាន់មួយព្រោះក្លឹបទាំងពីរសុទ្ធតែក្រុមខ្លាំង ហើយកន្លងទៅក្រុមទាំងពីរធ្លាប់ជួបគ្នាតែ ២ លើកគត់នៅប្រវត្តិសាស្រ្តពានរង្វាន់អឺរ៉ុប ដោយកាលនោះលេងនៅ UEL រដូវកាល ២០១០/១១ ស្មើគ្នាទាំងពីរជើង (១-១ និង ០-០)។
៥ ប្រកួតចុងក្រោយរបស់ Dortmund នាវគ្គ ១៦ ក្រុមចុងក្រោយនៅ UEFA Champions League គឺក្លឹប Dormtund ធ្លាប់ឆ្លងផុតបានតែ ១ លើកគត់ ពោលគឺនៅរដូវកាល ២០១៦/១៧ ស្ថិតក្រោមការដឹកនាំដោយលោក Thomas Tuchel ហើយនាវគ្គ ៨ ក្រុមបែរជាត្រូវធ្លាក់ក្រោមថ្វីជើងរបស់ក្លឹប Monaco។
ការប្រកួតក្នុងដី ៦ លើកចុងក្រោយនៅ UEFA Champions League គឺមាន ៤ បានបរាជ័យ និងឈ្នះ ២ លើកគត់ ដោយរួមបញ្ចូលទាំងបរាជ័យ ២-៣ ទល់ Monaco និង ០-១ ទល់ Tottenham។ អ៊ីចឹងចាំមើលយប់នេះទាំងអស់គ្នាលើទំព័រ CTS Sports តើ Dortmund ឬ PSG ដែលអាចយកបានជ័យជម្នះនាជើងទី ១ នេះ?