ក្រុមបាល់ទាត់យុវជនថ្នាលរបស់ជម្រើសជាតិហ្វីលីពីនឬ The Azkals Development Team (ADT) នឹងចូលរួមប្រកួតពានរង្វាន់លីគកំពូលហ្វីលីពីន Philippines Football League 2020 ក្នុងនាមជាក្រុមភ្ញៀវដែលអនុញ្ញាតិឲ្យកីឡាករលេងក្នុងស៊ីហ្គេមនាពេលកន្លងទៅ អភិវឌ្ឍន៍សមត្ថភាពបន្ថែមទៀត។
លោក Dan Palami អ្នកចាត់ការទូទៅក្រុម Azkals Team បាននិយាយថា៖” នេះគឺជាចម្លើយដ៏ល្អមួយក្នុងការពង្រឹងសមត្ថភាពកីឡាករមុនពេលពួកគេចូលទៅលេងក្នុងក្រុមធំ”។ ក្នុងចំណោមកីឡាករយុវជនមួយចំនួនដែលកោះហៅចូលក្នុងក្រុមដែលដឹកនាំដោយគ្រូបង្វឹកជម្រើសជាតិលោក Goran Milojevic មានកីឡាករវ័យចាស់មួយចំនួនដូចជា Jarvey Gayosoអតីតកីឡាករក្លិប UAAP MVP ដែលបានសម្រាកពីការលេងឲ្យក្លិប Ateneo ។
លោក Palami ក៏បានបើកផ្លូវដល់អតីតកីឡាករជម្រើសជាតិដូចជា Curt Dizon និង Marvin Angelesដែលកំពុងព្យាយាមរក្សាទម្រង់លេងវិញហើយពេលនេះពួកគេកំពុងរង់ចាំសំណើរពីក្លិបផ្សេងៗទៀត។ កីឡាករដែលលេងក្នុងឈុតស៊ីហ្គេមមួយចំនួនទៀតក៏បានចូលរយមដែរមានAnthony Pinthus, Edison Suerti និង Mar Diano។
The Azkals Development Team (ADT) គឺជាក្រុមហ្វឹកហាត់បាល់ទាត់របស់សហព័ន្ធកីឡាបាល់ទាត់ហ្វីលីពីន ដែលផ្ដោតទៅលើក្រុមយុវជន ស្រដៀងនឹងសាលាបាល់ទាត់ជាតិបាទីរបស់កម្ពុជាដែរ នប៉ុន្តែការចូលលេងក្នុងលីគរបស់ពួគគេគឺជាត្រឹមជាភ្ញៀវហើយអនុញ្ញាតិឲ្យជ្រើសរើសកីឡាករលើសអាយុនិងកីឡាករឈុតធំដែលធ្លាក់ទម្រង់លេងបានឱកាសបង្ហាញនិងហ្វឹកហាត់ឡើងវិញ៕