ក្រុម Liverpool នឹងត្រូវប៉ះក្រុមម្ចាស់ផ្ទះ Atletico Madrid ជើងទី១ពានរង្វាន់ UEFA Champions League វគ្គ១៦ក្រុមចុងក្រោយនៅម៉ោង៣រំលងអាធ្រាត្រយប់នេះ។
មុនការប្រកួតខាងលើចាប់ផ្ដើម លោក Klopp ដែលជាអ្នកចាត់ការក្រុម Liverpool បាននិយាយថា៖ “គាត់បានដឹកនាំក្រុមនេះ ៨ឆ្នាំមកហើយនិងបានចូលលេងពានរង្វាន់នេះ។ បទពិសោធរបស់គាត់ពិតជាល្អ បើធៀបនឹងខ្ញុំ ខ្ញុំទើបតែកម្រិតទី៤ តែ Diego គឺនៅកម្រិតទី១២ឯណោះ។ ពួកគេជាក្រុមដែលប្រឹងប្រែងលេងខ្លាំង ហើយប្រព័ន្ធការពាររបស់គេក៏បានល្អថែមទៀត។ ការដឹកនាំក្រុមរបស់លោក Diego ពិតជាល្អ”។
ក្រុម AT Madrid ត្រូវបានគេមើលឃើញថាជាក្រុមខ្លាំងមួយនៅអេស្ប៉ាញ។ យ៉ាងណាមិញ សម្រាប់រដូវកាលនេះ ពួកគេមានបញ្ហាច្រើន ដែលធ្វើឱ្យក្រុមធ្វើមិនសូវជាបានល្អនោះទេ។ សម្រាប់ការប្រកួតទល់ក្រុមការពារតំណែងជើងឯក Champions League នៅយប់នេះ ក្រុមរបស់លោក Simeone នឹងមិនមានវត្តមានរបស់ខ្សែប្រយុទ្ធឆ្នើម Felix នោះទេ ដោយសាររបួសមិនទាន់ជាសះស្បើយ៕ប្រភព៖ Dailymail