• ពូទីន ​តេ​ទូរសព្ទ​ទៅ​គ្រូ​បង្វឹក​រុស្ស៊ី​ភ្លាម ​ហើយ​និយាយ​ពាក្យ​គួរ​ឱ្យ​គោរព​ទាំង​នេះ​

    លោក​ប្រធានាធិបតី ពូទីន ​បាន​ទូរសព្ទ​ទៅ​គ្រូ​បង្វឹក ​Stanislav Cherchesov ​របស់​រុស្ស៊ី​ភ្លាម ក្រោយ​ការ​ប្រកួត​ចាញ់​ក្រុម​ក្រូអាត ដោយ​បាល់​ប៉េណាល់ទី ៤-៣ ក្រោយ​ស្មើ​គ្នា ២-២ នៅ​នាទី​ប្រកួត​១២០​នាទី។

    លោក Stanislav Cherchesov ​បាន​និយាយ​រឿង​ខាង​លើ​ថា​៖ “លោក ពូទីន ​បាន​ទូរសព្ទ​មក​ខ្ញុំ ​ហើយ​គាត់​បាន​អបអរ​ក្រុម​ជម្រើស​ជាតិ​រុស្ស៊ី ​ចំពោះ​ការ​ប្រកួត​ដែល​យើង​លេង​បាន​ល្អ។ គាត់​បាន​និយាយ​ថា ក្រុម​រុស្ស៊ី​បាន​បង្ហាញ​ការ​លេង​បាល់ទាត់​យ៉ាង​ល្អ។ ខ្ញុំ​បាន​ប្រាប់​គាត់​វិញ ថា​ក្រុម​ទាំង​មូល​ពិបាក​ចិត្ត​ចំពោះ​ការ​ចាញ់​នេះ ប៉ុន្តែ​គាត់​បាន​និយាយ​ប្រាប់​ខ្ញុំ​ទៀត​ថា​យើង​គួរ​តែ​បើក​ភ្នែក​យើង​របស់​យើង ​ហើយ​បន្ដ​ដំណើរ​ទៅ​មុខ​ទៀត”។

    ចុំពោះ​ការ​បរាជ័យ​ក្រោម​ថ្វី​ជើង​ក្រូអាត​នេះ​ដែរ ​លោក Dmitry Peskov ​អ្នក​នាំ​ពាក្យ​របស់​វិមាន​ក្រឹម ឡាំង ​បាន​បញ្ជាក់​ថា​៖ “បរាជ័យ​របស់​ក្រុម​យើង ​គឺ​ពិត​ជា​ស្មោះ​ត្រង់ ​ហើយ​ពួកគេ​ពិត​ជា​ល្អ​ខ្លាំង​ណាស់។ ពួកគេ​បាន​ស្លាប់​ក្នុង​ទីលាន​បាល់ទាត់ ដែល​យុត្តិធម៌ ​យើង​មោទនភាព​ចំពោះ​ពួកគាត់”។

    រុស្ស៊ី​ជា​ក្រុម​មួយ​ដែល​គ្មាន​នរណា​នឹក​ស្មាន​ដល់​ថា​ពួកគេ​អាច​ឈាន​ដល់​វគ្គ​នេះ​ឡើយ។ ស្ថិត​ក្នុង​ពូល​ជាមួយ​ក្រុម​ខ្លាំង ប៉ុន្តែ​ពួកគេ​អាច​ឆ្លង​ដល់​វគ្គ​១៦​ក្រុម ហើយ​ទម្លាក់​ក្រុម​អេស្ប៉ាញ​បាន​ថែម​ទៀត។ យ៉ាងណាមិញ ​ដំណើរ​របស់​ពួកគេ​អស់​ត្រឹម​វគ្គ​៨​ក្រុម​ក្រោម​ថ្វី​ជើង​របស់​ក្រូអាត​នេះ​ហើយ៕ប្រភព៖ Theguardian

     

     

    ភ្ជាប់ទំនាក់ទំនងជាមួយ CTS SPORT