UEFA ​បង្កើត​ពាន Man of the Match ថ្មី​មួយ​ទៀត រាប់​ចាប់​វគ្គ ១៦ ក្រុម កាត់​សេចក្តី​ដោយ​ជើង​ចាស់ ៩ រូប

សមាគម​បាល់ទាត់​អឺរ៉ុប UEFA បាន​សម្រេច​ធ្វើ​ការ​បង្កើត​នូវ​ពាន​រង្វាន់​ថ្មី​មួយ​ដែល​តំណាង​ដល់​កីឡាករ​ដែល​បង្ហាញ​ទម្រង់​លេង​ល្អ​បំផុត​ Man Of The Match រៀងរាល់​វគ្គ​ជម្រុះ​នីមួយៗ​រាប់​ចាប់​វគ្គ ១៦ ក្រុម​ចុង​ក្រោយ​ឡើង​ទៅ។

កន្លង​ទៅ​យើង​ធ្លាប់​តែ​បាន​ឃើញ​ការ​ប្រកាស​នូវ​ឈ្មោះ​ធម្មតា ប៉ុន្តែ​ពុំ​មាន​ការ​ប្រគល់​ពាន​រង្វាន់​អ្វី​នោះ​ទេ តែ​ចាប់​ពី​វគ្គ ១៦ ក្រុម​ឆ្នាំ​នេះ​ទៅ UEFA បាន​ធ្វើ​ការ​បន្ថែម​នូវ​ពាន​រង្វាន់​មួយ​ហើយ។

ក្នុង​នោះ​នឹង​ចូលរួម​កាត់​សេចក្តី​ពី​ក្រុម​សង្កេតការណ៍​បច្ចេកទេស​​របស់​សមាគម ដោយ​មើល​ទាំង​ការ​លេង​ទូទៅ បច្ចេកទេស ភាព​ច្នៃប្រឌិត និង​ការ​លេង​ដោយ​យុត្តិធម៌​ជា​ដើម។

មាន​ជើង​ចាស់ ៩ រូប​ត្រូវ​កាត់​សេចក្តី​នា​វគ្គ​នេះ រួម​មាន Packie Bonner, Cosmin Contra, Aitor Karanka, Robbie Keane, Roberto Martinez, Gines Melendez និង Phil Neville, Willi Ruttensteiner និង Gareth Southgate៕ ប្រភព៖ UEFA

ភ្ជាប់ទំនាក់ទំនងជាមួយ CTS SPORT