ក្លឹប Manchester City ជឿជាក់ថាអ្នកចាត់ការ Pep Guardiola និងកីឡាករល្អៗរបស់ខ្លួន មិនចាកចេញពីក្រុមឡើយ បើទោះជាក្លឹបមិនអាចលេង UEFA Champions League ដល់២រដូវកាលក៏ដោយ។
ក្រុម Man City ត្រូវបាន UEFA ពិន័យមិនឱ្យលេង UEFA Champions League ២រដូវកាល ក្រោយពីរកឃើញថាក្រុមនេះបានល្មើសច្បាប់ចាយវាយប្រាក់លើការទិញដូរកីឡាករចន្លោះឆ្នាំ២០១២ដល់២០១៦។ មិនត្រឹមតែពិន័យមិនឱ្យលេងនោះទេ ពួកគេក៏ត្រូវពិន័យជាប្រាក់ដល់ទៅ២៥លានផោនផងដែរ។ ក្លឹបអាចមានឱកាសតវ៉ា ហើយប្រសិនបើមិនមានអ្វីប្រែប្រួល ការពិន័យគឺចាប់ផ្ដើមពីរដូវកាលក្រោយទៅ។
ក្នុងដំណាក់កាលនេះ ថ្នាក់ដឹកនាំក្រុម Man City បានផ្ដល់ទំនុកចិត្តថានឹងឆ្លងផុតដំណាក់កាលពិបាកនេះ ហើយអ្នកចាត់ការ Pep ក៏នឹងមិនចេញទៅណាចោលក្រុមដែរ។ មួយវិញទៀត កីឡាករក្នុងក្លឹបទាំងអស់ក៏នឹងនៅបន្ដ ហើយជួយគ្នាដើម្បីឆ្លងកាត់វាឱ្យបានដែរ៕ប្រភព៖ Dailymail
