ក្រុមកាំភ្លើងធំ Arsenal ធ្វើបានយ៉ាងល្អក្នុងការប្រកួតលីគនៅយប់មិញនេះ ដោយអាចយកឈ្នះលើក្រុម Newcastle United បានក្នុងលទ្ធផល ៤-០។
ក្រោយពីធ្វើឱ្យអ្នកគាំទ្រខកចិត្តជាច្រើនលើកកន្លងមក ពេលនេះក្រុម Arsenal បានធ្វើឱ្យអ្នកគាំទ្ររបស់ខ្លួនពេញចិត្តវិញហើយ ជាមួយការរកគ្រាប់បាល់បានដល់ទៅ៤គ្រាប់ក្នុងការប្រកួតទល់ក្រុម Newcastle United ។ ៤គ្រាប់ក្នុងការប្រកួតនេះដែរ ក៏មាន១គ្រាប់ជារបស់ Ozil ផងដែរ។ នេះជាគ្រាប់បាល់ដំបូងក្នុងរយៈពេល១០ខែចុងក្រោយរបស់កីឡាករអាល្លឺម៉ង់ខាងលើនេះ ឱ្យក្រុម Arsenal ហើយ។
លោក Arteta បាននិយាយចំពោះការប្រកួតខាងលើនេះថាក្រុមរបស់លោក ធ្វើបានល្អ ជាពិសេស Pepe ដែលរកបាន១គ្រាប់និងបញ្ជូនបាល់ឱ្យមិត្តរួមក្រុម១គ្រាប់។ ខ្សែប្រយុទ្ធរូបនេះ ខានលេងល្អបែបនេះជាយូរមកហើយ។ ក្រុមកាំភ្លើងធំ បច្ចុប្បន្ននៅលេខរៀងទី១០ក្នុងតារាង ដោយមាន៣៤ពិន្ទុ ឆ្លងកាត់២៦ប្រកួត៕ប្រភព៖ Dailymail