ក្រុម Lazio បានយកឈ្នះលើក្រុម Inter Milan ក្នុងលទ្ធផល ២-១ នាការប្រកួតលីគកំពូលអ៊ីតាលី នៅយប់មិញ ធ្វើឱ្យពួកគេឡើងឈរលេខ២កំពូលតារាង។
ក្រុម Inter Milan របស់លោក Conte បើកឆាកនាំមុខក្រុម Lazio មុនទៅហើយ ដោយ Young ធ្វើបានសម្រេច១គ្រាប់នៅនាទី៤៤។ យ៉ាងណាមិញ ឈានចូលដល់តង់ទី២ ក្រុមម្ចាស់ផ្ទះព្យាយាមវាយសម្រុកវិញ រហូតបានប៉េណាល់ទី១គ្រាប់នាទី៥០ ដោយ Immobile មុនពេល Savic ថែមបានគ្រាប់បាល់ទី២ នាទី៦៩ ដែលជាគ្រាប់បាល់ជ័យជម្នះយក៣ពិន្ទុតែម្ដង។
ការបាន៣ពិន្ទុនេះដែរ ធ្វើឱ្យក្រុម Lazio ឡើងទៅលេខ២ក្នុងតារាង Serie A ស្របពេលលេខ១បានទៅលើក្រុម Juventus ដែលយកឈ្នះលើក្រុម Brescia ក្នុងលទ្ធផល ២-០។ ក្នុងលីគអ៊ីតាលីរដូវកាលនេះ ហាក់ដូចជាប្រដេញគ្នាខ្លាំង ដោយ Juventus លេខ១ នេះ លើសក្រុមលេខ២ Lazio តែ១ពិន្ទុប៉ុណ្ណោះ ហើយក្រុមលេខ៣ Inter Milan ចាញ់ក្រុមកំពូលតារាង ៣ពិន្ទុ៕ប្រភព៖ Dailymail
