ក្រុម Atletico Madrid លេងស្មើ ២-២ ជាមួយក្រុម Valencia ក្នុងការប្រកួតពានរង្វាន់ La Liga កាលពីយប់មិញនេះ សប្ដាហ៍ទី២៤។ក្រុម AT Madrid បាននាំមុខម្ដងជាពីរដង ប៉ុន្តែចុងក្រោយក្រុម Valencia នៅតែអាចតាមរកគ្រាប់បាល់បានស្មើវិញដដែល។ ចំពោះការប្រកួតដ៏ជក់ចិត្តសម្រាប់អ្នកគាំទ្រនេះ ត្រូវបានលោក Simeone អ្នកចាត់ការក្រុម AT Madrid ពេញចិត្ត និងមិនសោកស្ដាយចំពោះលទ្ធផលនេះនោះទេ។
លោកបានបញ្ជាក់ដូច្នេះថា៖ “វាជាការប្រកួតល្អមើលមួយ ក្រុមនីមួយៗសុទ្ធតែប្រឹងប្រែងដើម្បីរកជ័យជម្នះរៀងខ្លួន។ ពួកគេអាចរកបានគ្រាប់បាល់តាមស្មើវិញបាន ក្រោយពីយើងបាននាំមុខគេម្ដងជាពីរដង។ ខ្ញុំមិនខឹងកីឡាកររបស់យើងឡើយ ខ្ញុំបានដើរចេញដោយសប្បាយចិត្ត ព្រោះវាជាការប្រកួតល្អមើលមួយ”៕
ប្រភព៖ Marca