ខ្សែប្រយុទ្ធ Haaland របស់ក្រុម Dortmund នៅតែធ្វើបានល្អ បន្ដរកគ្រាប់បាល់បាន ក្នុងជ័យជម្នះលើក្រុម Eintracht Frankfurt ៤-០ កាលពីយប់មិញនេះ។ក្រុម Dortmund បានបរាជ័យ២ដងផ្ទួនទាំងលីគ និង Cup កាលពីសប្ដាហ៍មុននេះ ប៉ុន្តែសម្រាប់ការប្រកួតនៅយប់មិញ ពួកគេបានបង្ហាញពីឆន្ទៈមកវិញហើយ។ ៤គ្រាប់លើក្រុម Eintracht Frankfurt ធ្វើបានសម្រេចដោយ Piszczek ១គ្រាប់ Sancho ១គ្រាប់ Haaland ១គ្រាប់ និងGuerreiro ១គ្រាប់។
ទទួលបាន៣ពិន្ទុក្នុងសប្ដាហ៍ទី២២នេះ ធ្វើឱ្យក្រុម Dortmund ឈរនៅចំណាត់ថ្នាក់លេខ២ប៉ុណ្ណោះអាសន្នសិន ដោយមាន៤២ពិន្ទុ ចាញ់ក្រុមកំពូលតារាង Bayern Munich ១ពិន្ទុ និងសល់១ប្រកួតក្នុងដៃទៀត៕
ប្រភព៖ DailyMail