ក្រុម Real Madrid បានបង្ហាញចំណាប់អារម្មណ៍លើខ្សែប្រយុទ្ធ Lautaro Martinez របស់ក្រុម Inter Milan ដែលមានតម្លៃខ្លួនប្រមាណជា៩២លានផោន។
Martinez នេះ មិនត្រឹមតែក្រុម Real Madrid ទេដែលចង់បាន សូម្បីក្រុម Barcelona ក៏បានមើលឃើញរូបគេជាយូរមកហើយដែរ។ តម្លៃត្រឹម៩២លានផោននេះ នឹងធ្វើឱ្យក្រុមយក្សទាំងពីរនៅអេស្ប៉ាញដណ្ដើមគ្នា ត្បិតអីខ្សែប្រយុទ្ធក្រុម Inter Milan នេះ លេងបានយ៉ាងល្អ ក្រោមការដឹកនាំរបស់លោក Conte ។
កីឡាករវ័យ២២ឆ្នាំនេះ រកបាន១៦គ្រាប់ហើយក្នុងការលេង២៧ប្រកួតនារដូវកាលនេះ ក្រោមការដឹកនាំរបស់លោក Conte ។ រូបគេជាដៃគូយ៉ាងល្អជាមួយខ្សែប្រយុទ្ធ Lukaku ។ បច្ចុប្បន្ននេះក្លឹបធំៗ តែងតែព្យាយាមទាក់ទងទិញកីឡាករ ទាំងដែលទីផ្សារដោះដូរមិនទាន់បើកផង។ ការធ្វើដូច្នេះ គឺដើម្បីធានាឱ្យបានថាពួកគេមានឱកាសច្រើនក្នុងការយកកីឡាករដែលខ្លួនចង់បាន៕ប្រភព៖ Dailymail
