នៅប្រកួតរវាងក្លឹប AC Milan និង Juventus ដែលមានការចាក់ផ្សាយលើទំព័រ CTS Sports រាត្រីនេះ អ្វីដែលរសើបបំផុតនោះគឺការចង់ឃើញតារាឆ្នើមវ័យចំណាស់ ២ រូបតតាំងគ្នាគឺ Cristiano Ronaldo និង Zlatan Ibrahimovic។
កីឡាករសញ្ជាតិស៊ុយអែតបានចាកចេញពី LA Galaxy មកកាន់ទ្រនំក្លឹប AC Milanកាលពីថ្ងៃទី ២ មករា ឆ្នាំ ២០២០ ហើយចន្លោះពេលជាង ១ ខែមកនេះ តើ Cristiano Ronaldo មានទម្រង់លេងបែបណាខ្លះ?
បើរាប់គ្រប់ការប្រកួតទាំងអស់គឺ CR7 រកបាន ១១ គ្រាប់និង Assist ១ លើកឲ្យ Juventus ពោលគឺតាំងពីបើកទំព័រឆ្នាំ ២០២០ កីឡាករព័រទុយហ្គាល់ហាក់ឡើងជើងខ្លាំងជាងឆ្នាំចាស់ ២០១៩ ជារួមរមែងមានគ្រាប់បាល់កើតឡើងជាបន្តបន្ទាប់។
ដោយឡែក Zlatan វិញ ទើបរកបាន ២ គ្រាប់មានមួយនៅ Serie A និងមួយផ្សេងទៀតនៅ Coppa Italia ហើយរាត្រីនេះជាការបង្ហាញខ្លួនម្តងទៀតហើយរបស់លោកព្រះនៅពានរង្វាន់ Coppa បែបនេះយើងនឹងទៅជួបគ្នាលើទំព័រ CTS Sports នាវេលាម៉ោង ០២:៤៥ នាទីយប់៕
ប្រភព៖ AF