ខ្សែប្រយុទ្ធ Odion Ighalo ត្រូវបានក្រុម Manchester United ខ្ចីជើងពីក្រុម Shanghai Shenua របស់ប្រទេសចិន មករួមក្រុមរហូតដល់ចប់រដូវកាលនេះ។
យ៉ាងណាមិញ ដោយសារតែរូបគេលេងនៅប្រទេសចិន កន្លែងដែលកំពុងផ្ទុះមេរោគ Corona នោះ ទើបតម្រូវឱ្យក្រុម Man Utd ត្រូវឱ្យខ្សែប្រយុទ្ធរូបនេះហាត់ម្នាក់ឯង១៤ថ្ងៃសិន ទើបអាចចូលហាត់ជាមួយក្រុម និងលេងជាមួយគ្នាបាន។ ការធ្វើបែបនេះ ដោយសារតែគេខ្លាច Ighalo មានផ្ទុកមេរោគ Corona ព្រោះថាមេរោគនេះ អាចនៅក្នុងខ្លួនមនុស្សបានដូចធម្មតា ទាល់តែ១៤ថ្ងៃ ទើបចេញរោគសញ្ញាខ្លះ។
កីឡាករសញ្ជាតិនីហ្សេរីយ៉ាខាងលើទោះជាមិនទាន់បានហាត់ជាមួយសមាជិកក្រុមមែន ប៉ុន្តែរូបគេសប្បាយចិត្តក្នុងការត្រៀមខ្លួនសម្រាប់ចូលលេងជួយក្រុម។ សាមីខ្លួនក៏បានបញ្ជាក់ថាក្លឹបធ្វើត្រូវហើយ ដែលប្រុងប្រយ័ត្នចំពោះមេរោគ Corona ហើយខ្លួនឯងក៏ចង់ដឹងថាឆ្លងមេរោគឬអត់ដែរ ប៉ុន្តែបច្ចុប្បន្នរូបគេមានសុខភាពធម្មតា៕ប្រភព៖ Dailymail