Luis Suarez និង Ousmane Dembele ដែលសុទ្ធសឹងជាសមាសភាពសំខាន់នៅតំបន់ប្រយុទ្ធរបស់ Barcelona បានរងរបួសទាមទារពេលវេលាសម្រាករយៈពេលយូរដូចគ្នា ជាហេតុញាំងឲ្យក្លឹបកំពុងស្លខ្លាំងក្នុងការចង់បានអ្នកថ្មីមកចូលរួមនាទីផ្សារដោះដូររដូវកាលក្រោយ។
ក្នុងនោះក្លឹបក៏ចាំបាច់ត្រូវការបង្កើនចំណូលមួយផ្នែកធំផងដែរ ព្រោះការចាយលុយលើកីឡាករតំបន់ប្រយុទ្ធ ហើយចង់បានជើងឆ្នើមទៀតនោះគឺកាន់តែត្រូវចាយលុយធំក្រាស់ក្រែលបំផុត។
គោលដៅលក់ចេញដែល Barca ចង់ឲ្យឆាប់ចេញបំផុត គឺ Rafinha Alcantara ដោយបច្ចុប្បន្នកំពុងលេងនៅលក្ខខណ្ឌខ្ចីជើងឲ្យក្លឹប Celta Vigo។
តម្លៃផ្តាច់កុងត្រារបស់គេកាលពីឆ្នាំទៅថ្លៃ ៧៥ លានអឺរ៉ូ តែដំណឹងចុងក្រោយនេះគឺអ្នកមានបុណ្យបានទម្លាក់មកសល់ត្រឹម ១៧ លានអឺរ៉ូប៉ុណ្ណោះ ដើម្បីឲ្យក្លឹបណាមួយឆាប់ទិញដាច់បំផុត។
មូលហេតុនេះហើយទើបកន្លងទៅយើងឃើញ Barcelona ដាច់ចិត្តលក់ Carles Perez ឲ្យទៅ Roma ត្រឹមតម្លៃតែ ១៣ អឺរ៉ូប៉ុណ្ណោះនៅខែ មករា ដើមឆ្នាំ ២០២០ នេះ៕
ប្រភព៖ Marca