ដោយសារតែមេរោគ Corona កំពុងផ្ទុះខ្លាំងនៅប្រទេសចិន បានធ្វើឱ្យការប្រកួត Chinese Grand Prix នៅខែមេសាខាងមុខនេះ ត្រូវផ្អាកបណ្ដោះអាសន្នសិន។
ដំបូងឡើយការប្រកួតប្រណាំងឡានខាងលើនេះ នឹងធ្វើឡើងខេត្ត Shanghai នៅថ្ងៃទី១៩ខែមេសាឆ្នាំ២០២០នេះ។ តែដោយសារបច្ចុប្បន្ននៅប្រទេសចិន កំពុងផ្ទុះមេរោគឆ្លង Corona ទើបតម្រូវឱ្យអ្នករៀបចំការប្រកួតសម្រេចចិត្តផ្អាកការប្រកួតនេះសិន ហើយមិនទាន់រកពេលកំណត់ថ្មីបានឡើយទេ។ មិនត្រឹមតែការប្រកួតប្រណាំងឡានទេ សូម្បីការប្រកួតបាល់ទាត់វិញ ក៏លីគប្រទេសចិនបានផ្អាកសិនដែរ ដោយសារតែខ្លាចឆ្លងជំងឺ Corona ។
សូមបញ្ជាក់ថាគិតត្រឹមថ្ងៃទី១២ខែកុម្ភៈឆ្នាំ២០២០នេះ មេរោគ Corona បានសម្លាប់មនុស្ស ១ ១១២នាក់ហើយ ខណៈដែលជាង៤ម៉ឺននាក់ទៀតកំពុងផ្ទុកមេរោគ សម្រាប់នៅមន្ទីរពេទ្យ៕ប្រភព៖ Dailymail
