ក្រុមបិសាចក្រហម Manchester United ត្រៀមកញ្ចប់ប្រាក់១៦០លានផោន ដើម្បីនាំយកកីឡាករ២នាក់មករួមក្រុមគឺ Jack Grealish និង James Maddison។
ក្រុមបិសាចក្រហម កំពុងស្វែងរកខ្សែប្រយុទ្ធថ្មី សម្រាប់រដូវកាលខាងមុខនេះ ក្រោយពីតំបន់ប្រយុទ្ធបច្ចុប្បន្ននេះហាក់ដូចជាមិនទាន់ល្អទាល់តែសោះ។ ពួកគេកំពុងស្ថិតនៅគម្លាត៦ពិន្ទុពីក្រុមលេខ៤ ក្នុងតារាង ឆ្លងកាត់២៥ប្រកួតកន្លងមកនេះ។ ប្រភពនៅអង់គ្លេស បានបញ្ជាក់ថាលោក Ole កំពុងមើលឃើញកីឡាករ២នាក់ក្នុងបញ្ជីទិញចូលរបស់ខ្លួន។
២នាក់នោះគឺ Jack Grealish និង James Maddison។ Jack ជាកីឡាករឆ្នើមម្នាក់របស់ក្រុម Aston Villa ។ រូបគេក៏បានបង្ហាញអារម្មណ៍ចង់មកលេងនៅក្រុម Man Utd ផងដែរ។ ស្របពេល James វិញ ជាខ្សែបម្រើប្រយុទ្ធឡើងជើងម្នាក់របស់ក្រុម Leicester City ដែលមានក្លឹបជាច្រើនចង់បាននារដូវកាលនេះ។ ក្រុម Man Utd រំពឹងថាទឹកប្រាក់១៦០លានផោន ល្មមសម្រាប់នាំយកកីឡាករ២នាក់នេះមករួមក្រុមហើយ៕ប្រភព៖ dailymail