ក្រុម Barcelona កំពុងទាក់ទងទិញយកខ្សែប្រយុទ្ធ Luis Suarez ពីក្រុម Watford ដើម្បីមកជំនួសកន្លែងរបស់កីឡាករ Luis Suarez ដែលកំពុងមានរបួសនិងវ័យកាន់តែច្រើនទៅហើយ។
Suarez កំពុងលេងឱ្យក្រុម Real Zaragoza ក្រោមលក្ខខណ្ឌខ្ចីជើងពីក្រុម Watford ទៅ។ កីឡាករវ័យ២២ឆ្នាំនេះរកបាន១៤គ្រាប់ហើយក្នុងការបង្ហាញខ្លួន២៦ប្រកួតកន្លងមកនៅអេស្ប៉ាញ។ ដោយសារតែលេងល្អបែបនេះហើយ ទើបក្រុមអ្នកមានបុណ្យមើលឃើញ និងតាមទិញយកតែម្ដង។
យ៉ាងណាមិញ ក្រុម Watford ទំនងជាមិនអាចលក់កីឡាករដែលចេញពីថ្នាលយុវជនរបស់ខ្លួនក្នុងតម្លៃទាបឡើយ។ ពួកគេគ្រោងនឹងយករូបគេត្រលប់ទៅលេងនៅអង់គ្លេសវិញផងដែរ នារដូវកាលក្រោយ។ កីឡាករសញ្ជាតិកូឡុំប៊ីខាងលើនេះ មិនដែលបានលេងឱ្យក្រុមដើមរបស់ខ្លួនមួយប្រកួតណាទេ ដោយត្រូវគេខ្ចីជើងរហូត៕ប្រភព៖ Dailymail