អតីតនាយកជាន់ខ្ពស់នៅក្លឹប FC Barcelona លោក Ariedo Braida បានសង្កត់ធ្ងន់ថាវាពិតជាអាចទៅរួច ការដែល Lionel Messi ត្រូវចាកចេញពី Camp Nou ហើយអាចនឹងលេចមុខនៅលើទីលានរួមជើងជាមួយនឹង Cristiano Roanldo។
ទន្ទឹមនឹងដែល Messi បានផ្ទុះសង្រ្គាមពាក្យសម្តីកាលពីពេលកន្លងទៅជាមួយនឹងលោក Eric Abidal លោក Braida បាននិយាយប្រាប់ Rai Radio 1 ថា៖ “ពួកគេសុទ្ធសឹងជាកីឡាករល្អ ដែលអាចលេងជាមួយគ្នាបាន ហើយនឹងដំណើរការទៅបានយ៉ាងល្អថែមទៀតផង”។
និយាយអំពីការចាកចេញលោកបន្ថែម៖ “Messi គេរស់នៅទីនេះជាមួយគ្រួសារគេតាំងពីអាយុ ១៣ ឆ្នាំ ហើយគេធ្វើបានល្អខ្លាំងនៅ Barcelona បែបនេះវាពិបាកសម្រាប់គេនឹងចាកចេញ តែក៏មិនមែនថាមិនអាចទៅរួចនោះដែរ”៕
ប្រភព៖ Marca