• Emery៖ “បើ​មាន VAR តាំង​ពី​ដំបូង ម្ល៉ោះ PSG ទម្លាក់​ក្រុម​យក្ស​មួយ​នេះ​នៅ UCL បាត់​ហើយ”

    Unai Emery សព្វថ្ងៃ​កំពុង​ក្លាយ​ជា​គ្រូ​ទំនេរ​ជើង បន្ទាប់​បី​ក្លឹប Arsenal បាន​ដក​តំណែង​របស់​លោក​កាល​ពី​ពេល​កន្លង​ទៅ ហើយ​ជំនួស​មក​វិញ​ដោយ​គ្រូ​ពេញ​សិទ្ធ​លោក Mikel Arteta។

    សម្រាប់ Emery ថ្មីៗ​នេះ​បាន​ផ្តល់​បទសម្ភាសន៍​ជាមួយ​នឹង​អ្នក​សារព័ត៌មាន​នូវ​រឿងរ៉ាវ​មួយ​ចំនួន ហើយ​ក្នុង​នោះ​ក៏​បាន​ជជែក​ដល់​គ្រា​ធ្លាប់​ដឹកនាំ​នៅ​ក្លឹប​បារាំង PSG ផង​ដែរ។

    លោក​បាន​និយាយ​ថា៖ “ខ្ញុំ​បាន​សម្រេច​ចិត្ត​បន្ត​អាជីព​នៅ Ligue 1 កន្លង​មក ព្រោះ​ចង់​ក្លាយ​ជា​គ្រូ​បង្វឹក​ដ៏​ល្អ​បំផុត​មួយ​រូប ហើយ​ខ្ញុំ​គិត​ថា​កាល​ប៉ះ Barcelona នៅ UCL ខែ​មិនា ឆ្នាំ ២០១៧ ម្ល៉ោះ​នឹង​អាច​ទម្លាក់​ពួក​គេ​បាន​ហើយ​ប្រសិន​មាន VAR តាំង​ពី​ពេល​នោះ”។

    ឆ្លើយតប​ដល់​ទំនាក់ទំនង​រវាង​អតីត​មេ​ចាស់ Al-Khelaifi លោក​បន្ត៖ “ខ្ញុំ​ក៏​តែងតែ​ទទួល​បាន​ការ​គាំទ្រ​ពី​ប្រធាន​ក្លឹប PSG ដោយ​ជា​ឧទាហរណ៍​ដូច​ពេល​យក Neymar កាល​នោះ​លោក​ពន្យល់​ខ្ញុំ​អំពី​ផល​លំបាក​ក្នុង​ការ​បង្កើត​ក្រុម​មួយ​នៅ​ពេល​មាន Neymar តែ​សម្រាប់​កីឡាករ​ល្អ​ដូច​ជា​គេ យើង​មិន​ចាំ​បាច់​បង្វឹក​គេ​ឲ្យ​សម្រប​ទៅ​ក្នុង​ក្រុម​ទេ ផ្ទុយ​ទៅ​វិញ​មាន​តែ​បង្កើត​ក្រុម​ដែល​អាច​សម្រប​ទៅ​នឹង​ការ​លេង​របស់​គេ”៕

    ប្រភព៖ AF

    ភ្ជាប់ទំនាក់ទំនងជាមួយ CTS SPORT