Villarreal ធ្លាប់​ច្រាន​ចោល​សំណើ​របស់ Liverpool សម្រាប់​កីឡាករ​ក្មេង​ខ្ចី​ម្នាក់

សើរើ​ដល់​រឿងរ៉ាវ​ចាស់​នៅ​ទីផ្សារ​ដោះដូរ​ខែ​មករា​សម្រាប់​យុវជន Samu Chukwueze ​គឺ​ធ្លាប់​ទទួល​បាន​ការ​ចាប់​អារម្មណ៍​ពី​សំណាក់​ក្លឹប​យក្ស​ជា​ច្រើន​នៅ​តំបន់​អឺរ៉ុប ហើយ​ក្នុង​នោះ​ក៏​មាន​ក្លឹប​ហង្ស​ក្រហម Liverpool ផង​ដែរ។

ហង្ស​ត្រូវ​បាន​គេ​រាយការណ៍​ថា​បាន​ទម្លាក់​សំណើ ៣៥ លាន​អឺរ៉ូ ក្នុង​ការ​ចុះ​ហត្ថលេខា​យក​កីឡាករ​នីហ្សេរីយ៉ា​រូប​នេះ​មក​ចូលរួម​នៅ​ដី​អង់គ្លេស តែ​ទី​បំផុត​ក្លឹប​យក្ស​អេស្ប៉ាញ​បាន​បដិសេធ​មិន​ទទួល​យក។

តាម​របាយការណ៍​ពី France Football បាន​ឲ្យ​ដឹង​ថា​សំណើ​សម្រាប់​កីឡាករ​វ័យ ២០ ឆ្នាំ​រូប​នោះ​គឺ​ទាប​ពេក ព្រោះ​តម្លៃ​ផ្តាច់​កុងត្រា​របស់​គេ​ថ្លៃ​ប្រហែល ១០០ លាន​អី​ឯ​ណោះ ណា​មួយ​រូប​គេ​ធ្លាប់​បាន​លេង​ឲ្យ​ក្លឹប​ដល់​ទៅ ៦០ ​ប្រកួត​ទៅ​ហើយ ពោល​ខ្ចី​តែ​អាយុ លើ​ទីលាន​ក៏​មិន​ណយ​ដែរ៕

ប្រភព៖ AF

ភ្ជាប់ទំនាក់ទំនងជាមួយ CTS SPORT