Emmanuel Petit អតីតកីឡាករក្រុម Barcelona បាននិយាយថាប្រសិនបើ Lionel Messi ទៅលេងនៅលីគអង់គ្លេសមែន នោះអាចនឹងមិនជោគជ័យនោះទេ ព្រោះរូបគេមិនមែនដូច Cristiano Ronaldo ។
Lionel Messi មានរឿងផ្ទុះឡើងជាច្រើនទាក់ទងទៅនឹងការចាកចេញពីក្រុម Barcelona ក្រោយពីមានជម្លោះសម្ដីជាមួយលោក Abidal មន្ត្រីបច្ចេកទេសនៅក្លឹប។ ក្នុងនោះ Manchester City ដឹកនាំដោយលោក Pep ត្រូវបានគេជឿជាក់ថាមានភាគរយខ្ពស់ជាងគេ ខណៈដែលក្រុមដទៃទៀតដូច Man Utd ជាដើមនោះ ក៏មានបំណងចង់បានកីឡាករអាហ្សង់ទីននេះដូចគ្នា។
រឿងទៅលេងនៅអង់គ្លេស បើទោះជាមិនទាន់កើតមានឡើងមែន ប៉ុន្តែអតីតកីឡាករបាល់ទាត់ជាច្រើនបានវិភាគពីអនាគតរបស់ Messi ទៅហើយ បើសិនជាទៅលេងនៅ Premier League មែន។ ក្នុងនោះ លោក Emmanuel Petit ដែលជាអតីតកីឡាករក្រុម Barcelona ផ្ទាល់បាននិយាយថា៖ “គាត់មិនមែន Ronaldo ទេ។ និយាយដោយស្មោះ ការលេងរបស់គាត់អាចនឹងមិនត្រូវនៅអង់គ្លេស។ គាត់មិនចូលចិត្តការប្រកួតប្រជែងខ្លាំងឡើយ នៅអេស្ប៉ាញ គាត់ត្រូវបានគេការពារជាប់រហូត”៕ប្រភព៖ Dailymail
