ក្លិបបឹងកេតបានបានសម្រេចបញ្ចប់កុងត្រាខ្សែបម្រើកណ្ដាល ម៉ាត់ យ៉ាម៊ីនដោយសារូបគេមិនគោរពវិន័យក្លិបនិងប្រព្រឹត្តិខុសសិលធម៌កីឡាករអាជីពប៉ុន្តែក្លិបនេះមិនបានបញ្ជាក់ពីមូលហេតុលម្អិតរបស់កីឡាករ ម៉ាត់ យ៉ាមីន ដែលបានប្រព្រឹត្តខុសនោះទេ។
កាលពីយប់ថ្ងៃ០៨ឈានចូលថ្ងៃទី០៩ខែកុម្ភៈឆ្នាំ២០២០ កម្លាំងព្រហ្មទណ្ឌកម្រិតស្រាលនៃស្នងការរាជធានីភ្នំពេញសហការគ្នាជាមួយកម្លាំងអន្តរាគមន៍ពិសេសនៃស្នងការដឹកនាំដោយផ្ទាល់ ស្នងការនគរបាលរាជធានីភ្នំពេញ ឯកឧត្តម ស ថេត បើកប្រតិបត្តិការ ទាំងកណ្តាលរាត្រីចុះទៅបង្ក្រាប នឹងឃាត់ខ្លួនជនសង្ស័យប្រុសស្រីជាច្រើននាក់ក្នុងនោះស្រី18នាក់នឹងបុរសចំនួន34នាក់ដោយប្រើប្រាស់ថ្នាំក្រវីនៅក្នុងមជ្ឃមណ្ឌលកម្សាន្ត យីហោ ផ្លាយ ផ្លូវជាតិលេខ៦ សង្កាត់ជ្រោយចង្វារ ខណ្ឌជ្រោយចង្វារ។ ក្នុងចំណោមយុវជនទាំងនោះ ម៉ាត់ យ៉ាម៊ីនក៏មានវត្តមាននៅទីនោះដែរ។
ដោយឃើញចំណាត់ការក្ដៅរបស់ក្លិបបឹងកេត ក្លិបបាល់ទាត់វិសាខាបានចេញប្រកាសគាំទ្រយ៉ាងពេញទំហឹងចំពោះចំណាត់នេះ។ក្លិបមានមូលដ្ឋាននៅតំបន់ហ្គ្ឬែនភ្នំពេញបានសរសេរលើទំព័រហ្វេសបុករបស់ខ្លួនថា៖ «ក្លិបកីឡាបាល់ទាត់ វិសាខា ក្នុងនាមគ្រួសារបាល់ទាត់ជាតិកម្ពុជា សូមប្រកាសគាំទ្រពេញទំហឹង នូវចំណាត់ការរបស់ក្លិបបាល់ទាត់បឹងកេតអែហ្វស៊ី ចំពោះកីឡាករប្រើប្រាស់គ្រឿងញៀនខុសច្បាប់»។ នេះជាការបង្ហាញជំហររបស់ក្លិបវិសាខា ដែលបានសរសេរនៅលើហ្វេសប៊ុកផ្លូវការរបស់ខ្លួន”។
”ស្នើសហព័ន្ធកីឡាបាល់ទាត់កម្ពុជា ក៏ដូចជាគណៈកម្មការប្រកួតបាល់ទាត់ជាតិកម្ពុជា ឲ្យមានការធ្វើតេស្តទឹកនោមរកសារធាតុញៀនដល់កីឡាករទាំងអស់ដែលលេងនៅក្នុងក្របខណ្ឌមិត្តហ្វូនខេមបូឌានលីគ។ វិសាខាអះអាងថា ការស្នើបែបនេះរបស់ខ្លួន គឺបញ្ជាក់ពីភាពស្អាតស្អំ និងរួមចំណែកអភិវឌ្ឍន៍វិស័យកីឡាបាល់ទាត់នៅកម្ពុជា”។
«សូមសហព័ន្ធកីឡាបាល់ទាត់កម្ពុជា និងគណៈកម្មការប្រកួតបាល់ទាត់ជាតិកម្ពុជា រៀបចំការធ្វើតេស្ដទឹកនោមកីឡាករទាំងអស់ ក្នុងន័យធ្វើឲ្យមានភាពស្អាតស្អំក្នុងវិស័យកីឡាបាល់ទាត់ជាតិ និងជំរុញការអភិវឌ្ឍន៍វិស័យកីឡានេះ ឆ្ពោះទៅរកវឌ្ឍនភាពរីកចម្រើនបន្ថែមទៀត»។