ក្រុម Real Madrid នៅតែអវត្តមានកីឡាករសំខាន់ Eden Hazard ដដែលក្នុងការប្រកួតទល់ក្រុម Osasuna នៅរាត្រីនេះ បើទោះជារូបគេបានចូលហាត់វិញហើយក៏ដោយ។
ក្រុម Real Madrid នឹងត្រូវប៉ះក្រុម Osasuna នៅម៉ោង១០យប់នេះ ក្នុងពានរង្វាន់ La Liga ។ សម្រាប់ការប្រកួត Hazard ដែលរងរបួសជាយូរមកហើយនោះ នៅតែបន្ដអវត្តមានដដែល ខណៈដែល Bale មានឈ្មោះវិញ ជំនួសតំណែងរបស់ Rodrygo ។ James ប្រកួតនេះក៏អវត្តមានដែរ ដោយសាររបួសអំឡុងពេលលេង Copa del Rey ។
លោក Zidane អ្នកចាត់ការក្រុម Real Madrid បានបង្ហាញអារម្មណ៍មុនការប្រកួតនោះថា សម្រាប់ការប្រកួតនេះពិតជាសំខាន់។ ក្រុម Real ត្រូវការឈ្នះដាច់ខាត ដើម្បីរក្សាតំណែងកំពូលតារាងរបស់ខ្លួន និងស្ដារមុខមាត់ឡើងវិញផងដែរ ក្រោយពីចាញ់ក្រុម Real Sociedad ៕