ក្លឹប Juventus បានស្នើបន្ដកុងត្រាដល់ខ្សែប្រយុទ្ធ Dybala ចំនួន៥ឆ្នាំទៀត ដើម្បីគេចឱ្យផុតពីក្លឹបដទៃដែលចង់បានរូបគេដូចជា Man Utd និង Spurs ជាដើម។
Dybala សឹងតែចាកចេញពីក្រុម Juventus ទៅហើយកាលពីរដូវក្ដៅកន្លងទៅ ក្រោយពីលោក Sarri ចូលកាន់តំណែង។ តែដោយសារតែមានសម្របសម្រួលច្រើន និងផ្ដល់ឱកាសឱ្យរូបគេបានលេងពេញលេញ ទើបកីឡាករអាហ្សង់ទីនរូបនេះសម្រេចបន្ដនៅក្លឹបនេះទៀត។ យ៉ាងណាមិញ នៅរដូវក្ដៅខាងមុខ ក្លឹបនៅអង់គ្លេសដូចជា Man Utd និង Spurs ជាដើម នៅតែចង់បានរូបគេដដែល។
ដូច្នេះហើយ ទើបបានជាក្រុម Juventus ចង់បន្ដកុងត្រា៥ឆ្នាំទៀតដល់ Dybala ដើម្បីធានាបានឱ្យរូបគេលេងនៅទីនេះបានយូរឆ្នាំទៀត។ សម្រាប់រដូវកាលនេះ រូបគេរកបាន១១គ្រាប់និងបញ្ជូនបាល់ឱ្យមិត្តរួមក្រុមបាន១១គ្រាប់ដែរ ក្នុងការបង្ហាញខ្លួន២៨ប្រកួត៕ប្រភព៖ Dailymail